استقبال رمضان کی نیت سے رمضان سے ایک یا دو دن پہلے روزہ رکھنے کی ممانعت۔

عَنْ اَبِيْ هُرَيْرَةَ رَضِيَ اللّٰه ُعَنْهُ قَالَ قَالَ رَسُوْلُ اللّٰهِ صَلَّى اللهُ عَلَيْهِ وَسَلَّم لَا تَقَدَّمُوْا رَمَضَانَ بِصَوْمٍ يَوْمٍ وَلَا يَومَيْنِ اِلَّا رَجُلٌ كَانَ يَصُوم ُ صَوْمًا فَلْيَصُمْهُ.
بلوغ المرام. ح:۵۲۷ ؛(بخاری و مسلم)
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ” رمضان (شروع ہونے) سےایک یا دو دن پہلے روزے نہ رکھو، سوائے اس آدمی کے جو پہلے سے روزہ رکھتا آ رہا ہو، تو اسے چاہیے کہ وہ روزہ رکھ لے۔
فائدہ: مذکور حدیث سے معلوم ہوا کہ استقبال رمضان کے پیشِ نظر رمضان سے پہلے روزہ رکھنا جائز نہیں سواۓ اس کے جس کا معمول سنت کے مطابق سوموار اور جمعرات کا روزہ رکھنے کا ہو.
شرح بلوغ المرام لشیخ صفی الرحمٰن مبارکپوری. ص:۴۸۲

جمع و ترتیب : ابو محمد عنایت الله